Mir sind de Pascal und de Gion.
Zwei Zürcher, wo guets Esse liebed. Mir choched lideschaftlich gern und sind überzügt, dass guete Gschmack nöd kompliziert sii muss.
Vor allem die asiatisch Chuchi hät’s üs aataa – intensiv, würzig, überraschend und voller Umami. Das Gschmackserlebniss hemer wele verpacke, passend zu unendlich vielne Gricht für de gwüssi Kick! Drus entstande isch SCHARF DRUF.
MARKETING / FOODY / CRAZY
Lideschaftliche Hobbychoch mit de Liebi für asiatisches Esse. Viel Inspiratione holt er sich bi guetem Streetfood. Erst wenns perfekt isch git er sich z'fridä und het chli de Drang zum bi gwüssä Sache z'übertribä ;)
AUTHENTISCH ODER GAR NÖD.
CHOCH / FISCHER / REBELL
Usbildete Choch mit jahrelange Erfahrig i de Gastronomie. Het i diverse Restaurants gschaffed und liebts s'Reise i de Natur. Er gnüsst s'Lebä i volle Züg, es bitz crazy, verspielt und denkt eifach anderst.
DENKT ANDERST. ZUM GLÜCK!
Kei Flüssband, kein Grosskonzern, keis 0815-Chiliöl.
Mir produziered SCHARF DRUF. vo Hand i eusere chline Gastro-Chuchi im Herze vo Züri. Vom Röste vo de Chilis über s'Mische vo eusere Gwürzmischig bis zum Abfülle und Verpacke. Alles mitere grosse Lideschaft und viel Sorgfalt für es geils Produkt.
